Learn2This » Khujli Daad (Ringworm) ka kamyab ilaj Janeya Kya.
Fashion Health Lifestyle Spiritual Mission

Khujli Daad (Ringworm) ka kamyab ilaj Janeya Kya.

Tibb-e-Nabwi aur Deshi dawao ke zariye by Dr. Muhammad Sami

Amtaur par Ringworm (Daad) laal papridar Khujli wala infection hota he jise tinea corporis bhi kaha jata he. Yeh aksar infected insan ya janwar ke sath sidhe skin contact se failta he.
Ringworm ka ilaj antifungal dawa he. Allopathic antifungal dawa ka lagatar istemal boht nuksandeh hai.

Treatment

1. “Avoid causes –
– Kapre, tauliya, hairbrush wagera dusre personal saman kisi ke sath sanjha na karein.
– Healthy diet, Sabjiya, Fal aur halka khana hi lein.
– Tala-bhuna, bakery products khas taur par chips, biscuits, cakes, khatti chize aur achaar wagera band kr dein.
– Pani khub piye.

2. Maintain daily routine – Yani apne din ko sahi tariqe se Paigamabar Muhammad (ﷺ) ki sunnato ke mutabiq guzare.
– Raat me thik waqt par soye.
– Subh jaldi uthein.
– waqt par khay piye. Wagera
– Rozana Warzish aur Tibb-e-Nabwi karein.

3. Medication
– Paigambare Islam Muhammad ِﷺ ne farmaya
Kala Dana Yani Kalonji me Maut ke siva har bimari ki shifa hai.
– Bukhari Sharif

“Jaitoon ka tail khao aur jism par bhi lagayo kyoki yah Mubarak darakht se paida hota he”
– Musnad Ahmed

In dono tailo me antifungal ki khasiyat hoti he isliye ye kai tarh ke fungal infection ko thik karne me kafi madadgar hein.

Kalonji tail ya Jaitoon tail ko din me kai bar Ringworm par lagaye. Kuch hi hafte ke bad aap kafi fayda mahsus karenge.

Triphala powder – 60gm
Mulethi powder – 60gm
Neem powder – 120gm
Hartal bhasm – 6gm

in sab ko mix kar ke subh dophar sham din me 3 bar adha adha chammach pani se khana he.

Note – Agr aap allopathic dawaye istemal kar rahe hein to unhe ek dam na chore.

4. Warzish (Physical exercise) –
– Warzish zaroor karein.
– Morning walk boht achi Warzish he.
– Sham ke khane ke bad tahlna Sunnat he.

5. Zikr-o-Muraqbah (Islamic meditation)-
Subh ya rat me silent (khamoshi) ke waqt me aramdayk tarike se niche Beth jaye aur ankhe band kar lein. Koi disturbance nhi hona chahiye. Apni soch ko control karein aur ye khyal karein ki Khuda mujhe dekh raha he.

Pahle apni dharkan ko gaur se sune aur usi par concentrate krte rahien. Aap gaur karenge ki aap ka dil dhak-dhak ke sath Allah-Allah kah raha he. Shuru me aap ise mushkil se sun paynge lekin dhire-dhire ye aap ko clear sunai dene lagega.

Dusra apni saans par concentrate karein. Jab aap Naak se andar ki taraf sans lein to sans ke zariye hi *Allah* ka zikr karein aur jab naak se sans bahar nikale to *Hu* ka Zikr krein. Saans se Zikr-o-Muraqbah skin problems me boht ache results deta he.

Shuru me 5 mints Zikr-o-Muraqbah karein aur roz is ka time badhaye. Kuch waqt baad aap paynge ki Zikr-o-Muraqbah skin problems (Ringworm) me boht asardayk he.

Note – Agr aap Ringworm se boht zyda pareshan hein aur kai dawao ke istemal se bhi aap ko aram nhi mil raha he to aap hm se WhatsApp par bat kar salah le sakte hein.

Bhalai ke liye is post ko age zaroor share karein.
_________________________________
Spiritual Mission Whats-app broadcasts

*Agr aap Hamari broadcast list mein join hona chahte hein to +919720582106 is number ko Spiritual Mission naam se save Karein aur apni detail send karein.*
Detail
1. Your name
2. City name
3. State/Country name .

Join Spiritual Mission on
WhatsApp
https://chat.whatsapp.com/Ke2D5ZE7yX025mFRs8rFPw
YouTube
https://www.youtube.com/channel/UCKJPls5Wk0T3jDb-YwpYu3g
Facebook
https://www.facebook.com/spiritualmission786/